Xilaba Txapelketa 2021-09-20

Maddi Ane Txoperenak Mauleko finalaurrekoan kantatuko du, lehen kanporaketa irabazita

Maddi Ane Txoperenak Mauleko finalaurrekoan kantatuko du, lehen kanporaketa irabazita
Irati Alcantarilla gelditu zen bigarren eta Gillen Hiribarren hirugarren. Datorren larunbatean jokatuko da bigarren kanporaketa Muskildin.

XILABA Bertsulari Txapelketako lehen kanporaketa jokatu da Makean joan den larunbatez eta Maddi Ane Txoperena izan da saioko irabazlea. Irati Alcantarilla izan zen bigarren eta lehen biak finalaurretarako txartela eskuratu dute zuzenean. Txoperenak Mauleko finalaurrekoan kantatuko du. Publiko aldetik ere txapelketak hasera goxoa izan zuen eta Makeako Herriko Gelan 90 bertsozale izan ziren saioa jarraitzen.

Horrela geratu da sailkapena:

1- Maddi Ane Txoperena Iribarren    422,5
2- Irati Alcantarilla Urdanpilleta        296,5
3-
Gillen Hiribarren                           390
4-
Karlos Aizpurua Etxarte                388,5
5-
Mizel Mateo                                 370
6-
Oier Urreizti                                369,5

13na bertsu puntuagarri
Makean bertsolariek kanporaketa honi dagozkion 13 bertso puntuagarri kantatu zituzten:

    8ko handian ofiziotan binaka, hiruna bertsu
    8ko ttipian ofiziotan binaka, hiruna bertsu
    2 punturi erantzuna
    10eko ttipian ofiziotan binaka, hiruna bertsu
    Kartzela banaka, gaia emanda bina bertsu (gehiengoz 10eko handian)
  

Datorren larunbatean Muskildin iraganen da bigarren saioa.

Heldu den larunbatean, irailak 25, jokatuko da bigarren kanporaketa Muskildin, 17:00etan. Bertsolariak:

Xumai Murua Berra
Bittor Thicoïpe
Ramuntxo Christy
Xan Alkhat
Miren Artetxe Sarasola
Maddalen Arzallus Antia


Aurkezlea Xabi Elgar izanen da.
Ohi bezala, sarrerak lekuan berean erosi ahalko dira.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan