Bertsoa uhinetan

 

 

Potto programa Bilbo Hiria irratian

Bueltan dira POTTO irratsaioan, 2021-2022 ikasturteari gogotsu ekiteko asmoz.
Aurreneko bala honetan Bizkaiko txapelketa aztertu dute (Durangoko ariketa hautatuak entzungai), Nafarroak emandakoaren berri eman digute (Izabako zenbait kolpe zabalduko) eta XILABAren finalaurrekoak aurkeztu ere.
Era berean, bertsolariak prosan entzutea ere plazera denez, Kerman Diaz gonbidatu dute TXAPPELA aplikazioa zertan den azaltzeko. Lisboako katu berdea, Mentxakane baserria...
Horiek guztiak eta gehiago, POTTO saioan.

 

Aurreko asteko programan, txapelketen itzalpeko bidaia proposatu digu programak.
Xilaba txapelketako azken kanporaketa izan da Gabadikoa, Tafallan eta Zangotzan jokatu dira Nafarroako bigarren eta hirugarren final-laurdenak eta Igorrera ere jo dute Bizkaiko Bertsolari Txapelketako bigarren kanporaketak eman duenaren berri jasotzeko.
Euskal Herrian zehar bidaiatzeko aitzakia eskaini digute lurraldekako txapelketek. Bertsoak ordea, plaza gehiago ere badituenez, Amurrion "Ez da kasualitatea" formatuan egindako saioko pasarteren bat ere berreskuratu dute, bederatzikoaz gain.

Hitza Jolas


Bertsoinka programa Xorroxin irratian

Bertsoinka oraindik atsedenelaldian dugu lerro hauek idazterakoan baina lasai, aste honetan bueltan dator eta beraz irratia piztu !
Haatik, aurreko saioak beti hemen :

Bertsoinka

Bapateko Unibertsoa Arraio irratian

Aurrekoan inprobisatzea tokatu zaie Bapateko Unibertsoan.
Gonbidatua falta zutela eta hemerotekatik osatu zuten saioa. Aurreko asteetan aipatu bezela, martxan dauden hiru txapelketak ere izan zituzten hizpide eta Paul Beitiaren Bertso fonoteka ere.
Aurretik pentsatua edo inprobisatua, bertsoa gozatzeko parada ezin hobea beti. Programa hemen dugu entzungai :

Bapateko Unibertsoa

 

Bertsolaritza irratietan eta bertsoa uhinetan
gozamena ez al da benetan
ditugunean belarrietan?