Nafarroako Bertsolari Txapelketa 2021-10-28

Altsasun hasiko dira finalaurrekoak, astelehenean

Iortia Kulturgunean izanen da saioa arratsaldeko 17.30etatik aurrera. Kantuan arituko den seikotea: Eneko Fernandez Maritxalar, Erika Lagoma Pombar, Xabat Illarregi Marzol, Ekhiñe Zapiain Arlegi, Endika Legarra Nuin eta Oier Lakuntza Irigoien. Gai jartzaile lanetan aldiz, Fernando Anbustegi Goñi arituko da.

Saioa irabazten duen betsolariak zuzenean eskuratuko du azaroaren 28an Iruñean izango den finalerako txartela. Gainerakoek, finalaurreko guztiak bukatu arte itxaron beharko dute, puntuazioz sailkatzen ote diren jakiteko.

Altsasukoaz gain, beste bi finalaurreko gehiago ere izango dira: azaroaren 6an Berriozarren eta azaroaren 14an Leitzan (azken horretarako sarrerak agortu dira dagoeneko). Guztira, 18 bertsolaritik zortzi sailkatuko dira finalera.

Sarrerak salgai daude www.bertsosarrerak.eus atarian.