Kantuan ariko dira Julio Soto Ezkurdia, Saioa Alkaiza Guallar, Josu Sanjurjo Altzuri, Alazne Untxalo Erregerena, Mikel Lasarte Cia eta Patxi Castillo Graciarena. Maialen Belarra Eneterreaga ariko da gai-jartzaile.
Eneko Fernandez Maritxalar zen larunbateko saioan aritzekoa, baina osasun arazoak direla medio, ezingo du oholtza gainean izan asteburu honetan ere ez. Txapelketako araudia jarraituz, berez Leitzan kantatzekoa zen Julio Sotok ordezkatuko du Eneko Fernandez. Fernandez, ongi bidean, Leitzako saioan ariko da beraz, azaroaren 14an.
Sarrerak salgai daude www.bertsosarrerak.eus atarian.
Esan bezala hirugarren eta azken finalerdia Leitzan jokatuko da hurrengo astean eta sarrerak agortu zirela iragarri zuten arren, aforoa handitu ondoren sarrera erosi eta gerturatzeko aukera izanen du nahi duenak. Sarrerak salgai daude saio horretarako ere, bai eta finalerako ere, online.
