Sormen egonaldia 2021-11-17

Astelehenean irekiko da Ahots Baten egonaldirako izen-ematea

Astelehenean irekiko da Ahots Baten egonaldirako izen-ematea
Abenduaren 27tik 30era izango da antzerkia, bertsoa, kantua eta literatura elkartzen dituen sormen egonaldia Amaiurren. Astelehenean hasi eta abenduaren 3ra arte eman ahal izango da izena.

Iaz, pandemiaren eraginez egun banatako bi saio egin baziren ere, leheneratu eta lau eguneko egonaldia izango da aurtengoan Ahots Baten. Abenduaren 27tik 30era izango da Amaiurko aterpetxean (Nafarroa) eta datorren astelehenean, hilaren 22an, irekiko da izen-ematea 10:00etan, www.bertsozale.eus atarian. Abenduaren 3ra arte izango da izena emateko aukera; eguerdira arte, zehazki, baina izen-emate ordena hartuko da aintzat. 100 euro ordaindu beharko dira egonaldian parte hartzeko.

15 eta 22 urte bitarteko gazte sortzaileei zuzendutako proiektua da; ahozko kultur sorkuntzan aritzen direnei zehazki, izan antzerkian, bertsoan, kantuan edota literaturan. Ahozko diziplina horietan aditu diren sortzaile ezagunekin berriketaldiak izaten dituzte parte-hartzaileek. Aurten, bertsolaritzatik, Ane Labaka bertsolaria eta Maialen Belarra gai-jartzailea batuko dira taldera; Intza Alkain aktorea, Joseba Larratxe Josevisky komikigilea eta Miren Narbaiza MICE musikagile eta kantaria ere gonbidatu dira.

Zazpigarren edizioa izango du proiektuak 2021ekoa. Orain arte Mintzolak antolatu du ekimena beste zenbait bidelagun hartuta, baina, udan iragarri bezala, Mintzola azkentze prozesuan dagoenez, Bertsozale Elkarteak eta Euskaltzaindiak antolatu dute aurtengoan, eta www.bertsozale.eus ataritik egingo da Ahots Baten sormen egonaldirako izen-ematea.

Adi, beraz, azaroaren 22tik aurrera!

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin