XXV. Xenpelar Saria 2021-11-22

Aner Peritz eta Unai Mendiburu garaile lehen bi kanporaketetan

Xenpelar Bertso Eskolak eta Ereintza elkarteak bi urtetik behin antolatzen duten bertsolari gazteen sariketa da Xenpelar saria. Euskal Herriko 16 bertsolarik kantatuko dute guztira eta lau kanporaketetako irabazleez gain beste bi bertsolari ere sailkatuko dira finalera, 6 guztira. Finala abenduaren 8an izango da.

Gelditzen diren bi kanporaketak hilaren 26an eta 27an egingo dituzte. Aurrenekoan Aitor Servier, Josu Ibarguren, Irati Alcantarilla, eta Maddi Aiestaran ariko dira eta azkenengoan, berriz, Joanes Illarregi, Ane Zuazubiskar, Ekhiñe Zapiain, eta Oneka Arteagak jokatuko dute.