Bertsolaritza irratietan 2021-12-07

Bertsoa uhinetan

Astez aste egiten dugun bezala, hona hemen irratietan ekoiztutako bertsolaritzari buruzko irratsaioen bildumatxoa. Beti bezala gaurkoan ere, denetarik eta denontzat.

(H)ari naizela Ataria irratian

(H)ari Naizela ez da irrati programa bakarra. Badaude beste batzuk ere. Aitzakia horri heldu diote programan eta hiru bertso irratsaio ezagutzeko aukera luzatu digute: Xorroxin Irratiko BERTSOINKA, Bilbo Hiria Irratiko POTTO, eta Putzuzulo Gaztetxearen Arraio Irratiko BAPATEKO UNIBERTSOA.
Elkarrizketa eta elkarrizketa tarteetan, berriz, adin-adin egitasmoaren barruan, azaroaren 16an, Oihana Iguaranek eta Sebastian Lizasok Uzturre egoitzan kantatutako zenbait bertsoaldi ere gureganatu dituzte.

Hari naizela 2021-12-02

Potto programa Bilbo Hiria irratian

Ekialde urrunera begira, periferiak zentralidadera ekarri dituzte, izan ere, Xilaba final handia aztertu dute Bilbo Hiria irratiaren POTTO saioan. XILABA finaleko ale hautatuak eskaini, eta Mikel Laboa handiari omen txikia egin diote, duela 13 urte joan zitzaigun hura.
Amets Arzallus txapeldunarekin ere hitz egiteko aukera izan dute.
Biba bertsoa!

Potto 2021-12-02

Bertsoinka programa Xorroxin irratian

Nafarroako bertsolari txapelketako finalerdietako bertsorik onenak adituko ditugu aurreko asteko Bertsoinka saioan. Altsasu, Berriozar eta Leitzan barna ibiliko gara.

Bertsoinka 2021-12-02

Hitza Jolas programa Euskadi irratian

Saioa Alkaiza da Nafarroako bertsolari txapeldun berria. Finaleko hainbat bertsoaldi entzungo ditugu, baita txapeldunak biharamunean Euskadi Irratian egindako adierazpenak zein txapel-jartzaileak saioa hasi baino ordu batzuk lehenago egindakoak ere. Bizkaiko bertsolari txapelketak ordea, aurrera jarraitzen du final-aurreko fasearekin eta hango ale gutxi batzuk ere jaso nahi izan dituzte. Baita tartean beraien bederatzikoa ere.

Hitza Jolas 2021-12-04

Irratiz-irrati eta saioz-saio
Bertsoari maitasuna erakusten zaio !

Albiste gehiago

Xabi Paya Ruiz - 'Ganbarako lana' antzezlanaren egilea 2026-02-17

Bertsoa uhinetan

Albiste gehiago

«Bertsolari baten sormen prozesua irudikatu nahi izan dut antzerkiaren begietatik»

«Finalean eman nezakeena emandako sentsazioarekin gelditu nintzen»

Bizkaiko zortzi finalisten aldartea eta helburuak

Laudio eta Errezilgo bertsoak Hitzetik Hortzeran

Aniztasunaren argazkia oholtzan

«Gustura nago beharra egin izanagatik eta aldartea mantendu izanaren poza badaukat»