Haizea Dator ekimena 2021-12-09

Haizea dator Hendaiara

Bertso eskoletan dabiltzan gazteei plaza berri baten eskaintzeko xedearekin martxan jarri zen duela bi urte Haizea Dator ekimena, Bertsularien Lagunak elkartearen eskutik.

Pandemiak urte batez atzeratu egin zuen bigarren edizioa baina martxan da dagoeneko ikasturte honetako edizio berria. Hilabeteko lehen ostiral guziz, Xiberoa, Baxe Nafarroa edo Lapurdiko herri batetan bilduko dira bertsolari gazteak, herrian bertan dagoen bertso eskoletako haurrek harrera eginen diete eta esperientzia gehiagoko bertsolariak ondoan izango dituzte.

Lehen saioa Lexantzün egin zen duela hilabete bat eta bigarren saioa ostiral honetan, abenduaren 10ean, Hendaiako Enbata gaztetxean iraganen da.
Arratsaldeko 19etatik aurrera, Maddi Ane Txoperena, Iker Altuna, Irati Aizpurua, Haize Lekuona, Naroba Irati Catalan eta Ibai Lekuona kantuan arituko dira.