Zuzeneko emisioa 2021-12-16

Bizkaiko Bertsolari Txapelketako finala zuzenean

Bertsoa.eus atarian, Bilbotik zuzen-zuzenean emitituko da emankizuna. Ilaski Serranok aurkeztuko du eta Zihara Enbeita bertsolaria izango du ondoan, iritzi-emaile lanetan. Euskal Telebistak ere saioa osorik eskainiko du haren laugarren katean, ETB4n, eta www.eitb.eus atarian.

ETB1ek, gainera, zuzeneko konexioa egingo du buruz-burukotik aurrerakoa eta saioa bukatu ondorengo txapeldunaren hitzak eskainiz.

Finaleko bertsoaldi onenekin eta txapeldunari eginiko elkarrizketarekin osatutako Hitzetik Hortzera, biharamunean, igandean eskainiko dute, ETB1en arratsaldeko 15.00etan.

Finala

Zortzi bertsolari hauek lortu dute larunbateko finalean kantatzeko txartela: Aitor Bizkarra Ruiz, Aitor Etxebarriazarraga Gabiola, Etxahun Lekue Etxebarria, Gorka Pagonabarraga Agorria, Jone Uria Albizuri, Nerea Ibarzabal Salegi, Onintza Enbeita Maguregi eta Xabat Galletebeitia Abaroa.

Argazkia: 2018ko Bizkaiko Bertsolari Txapelketako finala. / XDZ - Lehior Elorriaga