Hitzetik Hortzera 2022-01-06

Hitanoa eta bertsolaritza eskutik helduta Hitzetik Hortzeran

Azken urteetan hitanoaren erabilera bultzatzen ari dira hainbat herritan, tartean bertso saioak antolatuz. Besteak beste, "Ingo Xonau" ekimena abiatu zuten iaz Oñatin, bertako hitanoa biziberritzeko asmoz. Aste honetako programan, proiektu horren bultzatzaileetako birekin elkartuko gara proiektuaz gehiago jakiteko. Hitzetik Hortzera: larunbatean eta igandean ETB1en.

Urteetan zehar lekua galtzen joan den euskararen erregistroa da hitanoarena. Hainbat aurreiritzik eragin dute horretan: hizkera zabarra dela, esparru formaletan ez litzatekeela erabili behar, ez dela emakumeei dagokien erregistroa… Baina azken urteetan hitanoaren erabilera bultzatzen ari dira han eta hemen. 

Mirari Sagarzazu eta Idoia Etxeberria dira Oñatiko Ingo Xonau ekimenaren bultzatzailetako bi, eta haiekin izan da Hitzetik Hortzera. Oñatiko hitanoa berreskuratzeko proiektua da Ingo Xonau, eta hainbat ekintza antolatu dituzte; tartean HIKA bertso saio bat ere. Nola moldatzen ote dira bertsolariak?

Baina Oñatin bakarrik ez; beste hainbat herritan ere ari dira bultzatzen hitanoaren erabilera. Arrasaten ere noka bertso saioa antolatu zuten iazko urte amaieran, eta saio hartako bertsoaldi berezienak ere izango ditugu ikusgai eta entzungai.

Markina-Xemeingo kontzesioetakoa

Hitanoaren inguruko Oñatiko eta Arrasateko saioez gain, Markina-Xemeinen urteroko zita den kontzesiotako saioko bertsoaldien hautaketa ere bilduko du asteburuko Hitzetik Hortzerak. Bertsoaldi Kuttunaren atalean, berriz, Aissa Intxausti bertsolari lekeitiarrak 2014ko Bizkaiko Bertsolari Txapelketako finalera eramango gaitu bueltan. 

Ez galdu, Hitzetik Hortzera: larunbatean, 21:00tan, eta aste honetakoa igandean ere bai, 15.00tatik aurrera. Ondoren, edonoiz, EITB Nahieran atarian.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin