BERTSO PAPER LEHIAKETA 2022-01-18
Mungiako Taket bertso-eskolak urtero antolatzen duen San Antontxu bertsopaper lehiaketa, aurtegoa XXIV. edizioa izan da.
Gazteen mailan Izaro Bilbao Arostegi mungiarrak irabazi du 'Argitik itzalera' bertso sortarekin. Bigarren saria Naia Arrizabalaga Arrieta azkoitiarrarentzat izan da, 'Hasieraren amaiera' sortarekin eta hirugarrena, berriz, Amets Zubizarreta Etxaniz beasaindarrarentzat.
Helduetan Iñigo Legorburu Arregi hernaniarraren 'Lodifobiarik ez' sorta nagusitu da; atzetik, hurrenez hurren, 'Nire sindromea' Urko Egaña Calderónen sorta eta Xabier Paya Ruizen '527.gaua' sorta geratu dira.
DOINUA: Baneza eta banitu
1- Bizitzaren loteriak
sari gisa, komeriak
igortzean, alegriak
non, biztanlego erdiak?
Egi-oste ko gizarte hontan
aldatuz doaz egiak
baina benetan iritzi denak
ote dira zilegiak?
Kilotxo batzuk gora-behera
gu bihurtzean eriak
zenbat ertz izan ditzaken egun
gorputz borobilegiak! (BIS)
2- Astebururo ilada
merkatal zentroetara
kontsumitzeko parada?
Bai… haiek gu, beharbada!
Arropa-dendan nabaritzen dut
saltzaileen begirada
nire gorputz ez normatiboa
bilakatzen zaie traba.
Salerosketa xinple bat zena,
egun kontraesana da:
orain arropek saltzen gaituzte
besteen begietara. (BIS)
3- Malenkoniak hartzean
amonaz akordatzean
oraindik ere, lantzean
ikusten dut baratzean.
Jende ugarik ganoraz ez du
bazkaltzen etxeratzean
ta beste askok barau egiten
dute sarri arratsean …
Mendeetako gure izana
uzten gabiltza atzean
ez jatearen kultura hori
guztiok elikatzean. (BIS)
Bertso sorta osoa ikusteko aukera,
Eta Urko Egañaren "Nire sindromea" sorta ere jarraian.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15