Otsailaren 12an 2022-01-31

Bertso saio literarioa Lasarte-Orian

Lasarte-Oriako bertso saio literarioak urteroko maiztasunari eusten dio eta otsailean egingo da aurtengo edizioa, irakurle txokoak antolatuta. Orain artean, afalondoan egin izan da eta aurtengoa arratsaldez egingo da, pandemiak eta murrizketek eraginda. Bertsotan, Maialen Lujanbio, Ane Labaka eta Uxue Alberdi ariko dira. Gai jartzen, berriz, Miren Agur Meabe idazlea, iaz poesian Espainiako sari nazionalaren irabazlea, besteak beste.

Saioa otsailaren 12an izango da, larunbatez, Xirimiri Elkartean. Sarrerak Ilargi, Jalgi eta Tiburtzio-Artizar tabernetan daude, 10 eurotan.