Bertsolaritza irratietan 2022-02-07

Bertsoa uhinetan

Potto programa Bilbo Hiria irratian
Deustuara eta Portugaletera joan ziren programan, 2021. urtearen hondarrean, abenduan izan ziren saioak eskaintzera.
Deustuan kantuan izan ziren Miren Amuriza, Onintza Enbeita eta Xabat Galletebeitia, Maite Berriozabalen aginduetara; eta Portugaleten Sastraka Gaztetxean izan zen bertso-afariaz gozatzeko aukerarik. Kantuan, Amets Arzallus eta Arkaitz Estiballes izan ziren.
Bertsoa eta prosa musikarekin uztartu zituzten eta Roberto eta Miren Etxebarria aita-alabak ekarri zituzten kantuan, disko berria besapean: KOPLAK AIREAN.

Potto 2022-02-04


Bertsoinka programa Xorroxin irratian
Joan den urtarrilaren 15ean Hendaian egin zen bertso jaialdiko bertsoak entzungai daude Bertsoinka saioan. Aimar Karrika gai-jartzailearen inguruan, kantuan aritu ziren orduan Julio Soto, Maddi Ane Txoperena, Maddalen Arzallus, Unai Iturriaga eta Amets Arzallus.

Bertsoinka 2022-02-03


Hitza Jolas programa Euskadi irratian
Otsaila hasieran kandelario, San Blas, Santa Ageda bezpera, Inauteriak, dena batera izan ohi da. Euskal Herriko txoko askotan bezala, programak koplak ekarri dizkigu; zaharrak eta berriak, musikaz lagundutakoak edota hitz hutsekoak, bertso jarriak ere bai. Bederatzikoak ez du hutsik egingo eta Pello Zabala zendu berriak inprobisazioaz esandakoak berreskuratzeaz gain, bertsotan ere entzuteko parada dugu atal honetan, Andoni Egañarekin batera.

Koplak, prosak eta bertsoak
Guztiak entzuteko gozoak !