Finala martxoaren 24an 7Katun 2022-02-15

Gaur hasiko da Bertso Erronda Bilbon

Bilbon egiten den Bertso Erronda ekimenak edizio berri bati ekingo dio gaur arratsaldean. Bertsolaritza taberna giroan sortu eta gozatzeko proiektu honek bere espazio propioa egin du bertsolaritzaren plazan otsaila-martxoa bueltan. 20 bertsolari gazte arituko dira kantuan. Bost kanporaketa eta finala izango ditu, urtero legez, 7Katu gaztetxean jokatuko dena.

Gaur arratsaldean honako lau bertsolari hauek ariko dira Adaxka tabernan, 19:30etan.
Enare Muniategi
Ander Ucelay
Eire Salegi
Josu Ibarguren

Datozen lau asteartetan izango dira ondorengo kanporaketak eta martxoaren 24an finala.