Finala maiatzaren 28an 2022-02-28

23 taldek hartuko dute parte Bizkaiko Taldekakoan

Bizkaiko Taldekako Txapelketaren hirugarren edizioa bidean da, 2017 eta 2019aren ondotik. Aurten ere parte hartze zabala izango du: 23 taldek eman dute izena eta 200 parte hartzaile izango dira orotara. Edizio honek kanporaketa fasea eta finala izango ditu. 9 talde sailkatuko dira maiatzaren 28ko finalera.

Oinarria sendotu eta zabaltzeko helburua duten ekimen hau molde informalean jokatzen da, eta bertso eskolak eta eskualdeak indartu nahi dira. Hirugarren edizio honetan kanporaketa fase bakarra egongo da, eta saioetako talde irabazleek finalaren egunean ikusiko dute elkar, maiatzaren 28an. Finalaren egunean, 9 taldetatik hiruk egingo dute aurrera eta horien artean jokatuko da azken fasea.

Jai egun handi bat, eskolarteko egunarekin batean
Bizkaia osoko 23 talde arituko dira, beraz, lehian baina jai giroan, eta finalaren eguna eskolarteko finalarekin batera jokatuko da maiatzaren 28an. Helburua jai handi bat egitea da, eskolarteko finala lehenego, eta hainbat saio labur ostean.