Ombuaren itzala 2022-03-16

Otañori buruzko film proiektuaren aurkezpenak Gasteizen

Patxi Bisquert zine zuzendari zizurkildarrak Pello Mari Otaño buruzko Ombuaren itzala film proiektua zabaltzen jarraitzen du, ekimenaren inguruko auzolana sustatzen. Datozen egunetan Gasteizen izango dira hiru aurkezpen, ostiral, larunbat eta igandean.

Ostiral honetan, Arriaga Gizarte Etxean izango da, 19:00etan. Larunbatean, Zabalgana Gizarte Etxean, 19:00etan. Igandean, Aldabe Gizarte Etxean, 12:00etan.

30.000 sarrera saltzea helburu

Ombuaren itzala proiektua finantzatzeko auzolanaren bidez 30.000 sarrera saltzea da helburua, eta horiekin 300.000 euro ateratzea. Mezenasgo Legearen bidez, beste 200.000 euro ateratzea posible ikusten du Bisquertek. Azkenik, Euskal Telebistak egiten duen ekarpenarekin 600-700 mila eurotara iristea da helburua, Bisquertek azaldu izan duenaren arabera.

Pello Mari Otaño auzolana izena duen webgunea ere jarri dute martxan, eta leihatila bat ere sartu dute bertan, zuzenean sarrerak erosi ahal izateko. Mezenasgo bidez ere egin daiteke ekarpena.