Bertsolaritza irratietan 2022-03-21

Bertsoa uhinetan

Bapateko Unibertsoa Arraio irratian
Frontona “antzerkiko” Unai Ormaetxea gonbidatu zuten haien ekitaldiaren berri eman zezan.
Bestalde, Erniarraitzen kantatu berri duen Aimar Sorazuk bere sentsazioen berri eman zien eta bere bertsoak entzuteko parada izan zen emankizunean.

Bapateko unibertsoa 22-03-14

(H)ari naizela Ataria irratian
13/13 sumarioko auziperatuen aldeko bertso-saioa izan zen iazko abenduaren 26an, Asteasun. 200 ikusletik gora izan ziren, eta gogoratzeko moduko zenbait bertsoaldi ere kantatu zituzten protagonistek.
Oihana Iguaran, Amets Arzallus, Andoni Egaña, Alaia Martin eta Maialen Lujanbio izan ziren bertsolariak eta Amaia Agirre, berriz, gai-jartzailea.

Hari naizela 2022-03-16



Potto programa Bilbo Hiria irratian
2022. urtean bueltan dugu Uribe Kostako bertsolari txapelketa eta martxoaren 11n izan zen eskualdeko bertsolarien kantuez gozatzeko aukera, Gorlizen. New Taberna, Xurrut eta Portalean. Hiru taberna, hiru geldialdi; hamabi bertsolari kantuan. Garaile izan ziren Unai Mendiburu, Imanol Uria eta Paule Ixiar Loizaga.  Apirilaren 2an dago hurrengo hitzordua, finalerdi eta finalean, Algortan.

Potto 2022-03-17


Bertsoinka Xorroxin irratian
Joan den martxoaren 6an, Getxon egin zen Ez da kasualitatea saio musikatuko bertsoak aste honetako Bertsoinka saioan. Uxue Alberdi, Miren Artetxe, Oihana Bartra eta Jone Uria Albizuri aritu ziren kantuan.

Bertsoinka 2022-03-17

Hitza Jolas programa Euskadi irratian
Artea egiten dutenak artistak badira eta hitzekin jolas egitea artea egitea bada... artistez betetako saioa dugu honakoa. Emakumeak izango dira ardatz, Getxoko eta Donostiako plaza banatan hala egokituta. Bederatzikoa berriz, Ipar Euskal Herritik jaso dute.

Bakarrik joatean, beti azkarrago
Baina taldean beti goaz urrunago !