Gaztetxean 22:30etan 2022-03-21

'Martxoan bertsoa' txapelketako finala ostiralean Urretxun

Martxoan Bertsoa ekimeneko txapelketako hirugarren kanporaketa jokatu zen ostiralean Motz tabernan. Hiru talde aritu ziren nor baino nor: Zubiri-zubiri nongori-nongori (Amaia Iturriotz, Maialen Akizu eta Sara Bidarte), Xaguxar Zopa (Manex Mantxola, Jon Aztiria eta Iñigo Ramos) eta Kostata (Beñati Torres, Irati Sanchez eta Aitor Salegi) taldeek parte hartu zuten. Xaguxar Zopa taldea nagusitu zen.

Finala ostiralean Urretxuko gaztetxean
Martxoan Bertsoako taldekako txapelketako finala datorren ostiralean jokatuko da Urretxuko gaztetxean, 22:30etan. Kanporaketetako hiru talde irabazleak izango dira lehian:

Bertso Olariak: Ane Beloki, Jone Narbaiza eta Lierni Ugarte.
Tapia ta Leturias: Jon Mendizabal, Mattin Aranburu eta Mikel Iturriotz.
Xaguxar Zopa: Manex Mantxola, Jon Aztiria eta Iñigo Ramos.