Larunbatean, 17:00etan 2022-03-23
Izpuran dena prest da Bertso Eguna hartzeko. Euskal Herri osoan barrena zabaltzeko dinamikari jarraiki, aurtengo edizioa Baxenabarreko herrian izango da, larunbatean. Bertso Egunetan ohi den bezala, bertso jaialdiaren barruan beste kultur diziplinak gozatzeko aukera ere izango da.
Nerea Ibarzabal, Oihana Iguaran, Sustrai Colina eta Unai Agirre ariko dira bertsotan, Aimar Karrikak gidatuta. Beste kultur diziplinetatik, berriz, Bilaka Kolektiboko dantzariek, Paxkal Irigoien eta Xabi Etxeberri musikariek eta Dom Campistron marrazkilariak hartuko dute parte.
Ekitaldia 17:00etatik aurrera izango da herriko Faustin Bentaberri Gelan eta Aretora sartzeko ez da COVID-19ari lotutako ziurtagirik beharko.
Sarrerak eskuragarri
Sarrerak jada eskuragai daude www.bertsosarrerak.eus atarian: 9 eurokoa da sarrera, eta 12 eurokoa Bertsozale Elkarteko bazkide ez direnentzat. Gazteek 6 euroan lortu ahal izango dute.
Goizean Batzar Nagusia
Euskal Herriko Bertsozale Elkarteak hitzordua baliatu eta urteroko Ohiko Batzar Nagusia deitu du egun eta toki berean. 11:00etatik 13:00etara izango da Izpurako Faustin Bentaberri Gelan bertan. 2021eko memoria eta balantzea azaldu eta 2022ko egitasmoa eta aurrekontua aurkeztuko dira, segidan haien onarpena gauzatzeko. Amaitutakoan, mokadua eskainiko zaie agertutako bazkideei, 13:00etatik 14:00etara.
Jon Agirresarobe Lopetegi 'Torrotxo' - Bertsolari Bertsozale podkasta 2024-05-17
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26