Zallan, barikuan 2022-03-23

"Far Westeko bertsolariak", "Itallen" eta "Urruxarrak" emango diote hasiera Bizkaiko Taldekakoari

Bizkaiko Taldekako Txapelketak ostiral honetan ekingo dio hirugarren edizioari, Zallan. Enkarterri-Ezkerraldeko Far Westeko bertsolariak,  Larrabetzuko Itallen eta Iurretako Urruxarrak taldeen artekoa izango da lehenengo kanporaketa. Hiru saio jokatuko dituzte beraien artean, herriko puntu desberdinetan:

    19:30ean lehenengo saioa, Gazte zentroko Abian lokalean.
    20:15ean bigarren saioa, Madres irlandesas plazan.
    21:00etan hirugarren saioa, Oreka tabernako arkupeetan.

Kanporaketa irabazten duen taldea, maiatzaren 28an Larrabetzun jokatuko diren finalaurrekoetara sailkatuko da.