Haizea Dator ekimena 2022-03-29

Haizea dator Baigorrira

Bertsolari gazteei plaza berri bat eskaintzeko xedea duen ekimena dugu Haizea Dator. Hilabete guziz, Bertsularien Lagunak elkarteak saio bat antolatzen du Zuberoa, Lapurdi edo Behe Nafarroako herri batetan eta bertako bertso eskolak harrera egiten die aldi guziz bertsolariei.
Aldi honetan, Behe Nafarroan emana zaigu hitzordua, ostiral honetan (apirilak 1), Basaizea elkartearen Bixenta egoitzan.
Hasieran, Baigorriko bertso eskolako haurrak entzuten ahalko dira ongi etorria kantatzen oholtzaratuko diren bost bertsolariei eta segituan bertso saioa eginen da. Bertan kantuan arituko dira Xanti Lacroix, Aiantze Lannes Bruton, Oihan Perez, Pettan Prebende eta Bittor Thicoipe.
Saioa 19:00etan hasiko da eta ondoren, janak eta edanak partekatuko dira.
Haizea dator beraz… Basaizera !