Laban, 19:00etan 2022-03-31

Bertx[h]ori Sariketako finala gaur Iruñean

Bertx[o]ri binakako sariketako lehen edizioaren finala jokatuko da gaur Iruñean, Laban. Hiru kanporaketa jokatu dira, bakoitzean hiru bikotek parte hartuta. Finalera honeko bikote hauek sailkatu dira:

Xabat Illarregi Marzol-Ainara Ieregi Aranburu
Bittori Elizalde Soto-Aner Peritz Manterola
Peio Ardaiz Gale-Haizea Arana Cardenal

Gai-jartzen, Yasmine Khris Maansri arituko da.

NUPeko bertso eskola sortu berriaren eskutik
Nafarroako Unibertsitate Publikoan sortu berri den bertso eskolak ikasle giroari erantzungo dion bertso eskaintza da Bertx[h]ori Sariketa. “Ikusi genuen Iruñeko ikasle giro euskaldun eta bertsozalean bazegoela demanda saioak antolatzeko eta esparru horretan saioak egon zitezen. Hori eskaini nahi izan dugu”, azaldu zuen Idoia Granizo egitasmoko kideak. “Aurten taldetxo bat sortu da NUPen bertsotan aritzeko. Haietako asko hasi berriak dira, aurten hasi dira eta horiei ere eskaini zitzaien eroso egoteko moduko esparru bat”.