Gipuzkoako Eskolarteko txapelketa 2022-04-04

Naia Arrizabalaga azkoitiarra ere Gipuzkoako eskolarteko finalera

Naia Arrizabalaga azkoitiarra ere Gipuzkoako eskolarteko finalera

Gipuzkoako Eskolarteko txapelketaren bigarren kanporaketa jokatu zen Azpeitian joan den ostiralean eta Naia Arrizabalaga nagusitu zen Zelai Luze elkartean jokatutako saioan. Bertso saio ederra osatu zuten kantuan aritu ziren sei bertsolariek. Arrizabalagaz gain, Aratz Lasa, Ane Zubia, Beñat Mateos, Harri Agirresarobe eta Xabier Albizu aritu ziren kantuan. Gai-jartzaile lanak, berriz, Uxune Areizagak egin zituen.

Hirugarren kanporaketaren faltan, Arrizabalaga eta Mendiluze dira apirilaren 29an Lasturren izango den finalerako txartela eskuratu duten bi bertsolariak. Gainerakoek, puntuaketa orokorraren zain egon beharko dute.

Azken kanporaketa Lizartzan, ostiralean
Txapelketako hirugarren eta azken kanporaketa Lizartzan izango da ostiralean, apirilaren 8an, eta hango puntuazioen arabera erabakiko da zein bertsolari sailkatuko diren finalera. Ostiraleko saioan Amets Aizpuru, June Aiestaran, Danel Etxeberria, Malen Gartzia, Izar Zelarain eta Sustrai Goenaga ariko dira kantuan. Txirrita elkarteko saiorako sarrera guztiak agortuta daude. Dena den, oraindik eskuragarri daude apirilaren 29an Lasturren (20:00) izango den finalerako txartelak.

Albiste gehiago

Eli Pagola irabazle 'Hike Eizan' bertso paper sariketan 2022-07-01

'Tximista eta trumoia' ipuin bat bertsotan, noka

Urteroko jaialdia 2022-06-30

Barañaingo bertsoak sareko plazan

Bertsolari Bertsozale podcasta 2022-06-24

Irantzu Idoate Funosas, Bertsolari Bertsozale

Gontzal Agote - Bertsozale Elkarteko Lehendakaritza taldeko kidea 2022-06-23

«Txapelketak halako gogo eta ilusio berezia pizten du»