Bizkaiko Taldekako Txapelketa 2022-04-08

Bizkaiko Taldekakoa Zornotzan zapatuan

Bizkaiko Taldekakoaren bigarren saioa zapatu honetan jokatuko da Zornotzan, 18:30etik aurrera:  Basordako piratak, Leioatik Leioara eta Zornotzako Bertso Oskola taldeen artean. Bertsolariek Luis Urrengoetxea kalean zehar jokatuko dituzte kanporaketa honi dagozkion hiru saioak, 18:30ean hasi eta iluntze osoan zehar girotuko dute kalea. Kanporaketa hau irabazten duen taldea ere maiatzaren 28an Larrabetzun jokatuko diren finalaurrekoetara sailkatuko da zuzenean.

Hurrengo saioak apirilaren 29 eta 30ean izango dira.

Iurretako Uxurraxak, lehenengo talde finalista
Pasa den ostiralean jokatu zen Taldekakoaren lehenengo kanporaketa Zallan, Far Westeko Bertsolariak, Itallen eta Urruxarrak taldeen artean. Azken honek lortu zuen kanporaketa irabaztea, eta beraz, maiatzaren 28an Larrabetzun jokatuko diren finalaurrekoetarako txartela. Hiru taldeen artean 3 saio jokatu zituzten; Abian Gazte Zentroan lehenengoa, Madres Irlandesas plazan bigarrena eta Oreka taberna kanpoaldean azkena. Gune bakoitzean talde biren arteko saioaz gozatzeko aukera izan zuten hurreratutakoek, tartean, herriko ikastetxeetan bertsolaritza lantzen ari diren gaztetxoek.