Larunbatean, herri antzokian, 17:00etan 2022-04-08

Osinalde Sariko azken bi txartelak jokoan Zaldibian

Osinalde Sariketarako baliagarria den Osinberde Saria jokatuko da bihar Zaldibian: Asier Alcedo, Xabat Illarregi, Lurdes Ondaro, Lierni Rekondo, Aitor Tatiegi, Aitor Ugarte ariko dira bertsotan, eta finalera bi txartel egongo dira jokoan saio honetan ere. Herri antzokia izango da saioa, 17:00etan. 

Finaleko lau postu erabakita
Dagoeneko Osinalde Sariketako bi kanporaketa jokatuta daude eta lau bertsolarik eskuratu dute Osinalde Sariketaren 50. urteurrenean finalean kantatzeko txartela. Ane Zuazubiskar eta Oihana Aranak lortu zuten Ordizian eta Unai Izagirrek eta Aner Euzkitzek Legazpin.

Finala apirilaren 23an izango da Gabirian eta, murrizketak pasata, berriro ere Osinalde elkartean egingo da, afalondoan.