Zinka ostatuan, 19:00etan 2022-04-22

Hernandorena sariketako azken kanporaketa bihar Maulen

Hernandorena gazte sariketako bigarren eta azken kanporaketa jokatuko da bihar Maulen, Zinka ostatuan, 19:00etatik aitzinera. Bertsolariak: Irati Alcantarilla, Josu Txoperena, Ekain Alegre, Maider Altuna, Ekhiñe Zapiain eta Irune Basagoiti ariko dira kantuan.

Saioko irabazlea eta bigarrena zuzenean sailkatuko dira finalerako, aurreko kanporaketan bezala. Dagoeneko, Haira Aizpuruak eta Unai Andak eskuratu dute txartel hori. Azken bi postuak puntuaketaren baitan erabakiko dira. Finala maiatzaren 7an izango da.