Jon Maia - elkarrizketa 2022-05-03

"Etengabeko autosuperazio bide bat izan da niretzat Txapelketa"

Zazpi Txapelketa Nagusiren ondoren, eta horietako lautan finalean kantatuta, Jon Maiak agur esan dio Txapelketari. Bere ibilbidearen eta barne borroken testigantza hunkigarria utzi du zumaiarrak Bertsoa.eus-en.

Jon Maiak agur esan dio txapelketari. 1993tik zazpi Txapelketa Nagusitan hartu du jarraian. Lau finaletan kantatu du eta 2009an hirugarren postua egin zuen, Lujanbio eta Arzallusen ondoren, eta Egañaren aurretik. Beste proiektu batzuek bere jardunean hartu duten pisua medio, ez du ikusten txapelketa behar bezala prestatzeko aukerarik izango duenik eta bere ibilbidearen atal hori agur esatea erabaki du. 2017an bederatzigarren gelditu zen eta Amurrion kantatu zuen bere azken saioa.



Txapelketa autosuperazio borroka konstante bat izan dela dio Jon Maiak, eta ez bertsotan bakarrik. Zumaiarrak oso testigantza intimoa eta interesgarria eskaini dio Bertsoa.eus. Txapelketa beretzat zer izan den, bere identitate eta konplexuak askatzeko zenbat balio izan dion, bertsotan eman zezakeenera ezin hurbildua, hainbat bertsolarirekin oholtza partekatu izanaren esker ona... eta oraindik plazetan jarraitzearen "garaipena". "Finalek distira handia dute baina niretzat garaipenik handiena da oraindik ere plazan kantatzen jarraitzea" adierazi du zumaiarrak. Eta ez hori bakarrik. "Bertsotatik ez naiz inoiz erretiratuko. Bertsoa da nire etxea". Entzun bere hitzak.

 

Albiste gehiago

Eli Pagola irabazle 'Hike Eizan' bertso paper sariketan 2022-07-01

'Tximista eta trumoia' ipuin bat bertsotan, noka

Urteroko jaialdia 2022-06-30

Barañaingo bertsoak sareko plazan

Bertsolari Bertsozale podcasta 2022-06-24

Irantzu Idoate Funosas, Bertsolari Bertsozale

Gontzal Agote - Bertsozale Elkarteko Lehendakaritza taldeko kidea 2022-06-23

«Txapelketak halako gogo eta ilusio berezia pizten du»