Hernaniko Tabernetako txapelketa 2022-05-10

Jon Altuna 'Oxan' Hernaniko tabernetako txapeldun

Jon Altuna 'Oxan' Hernaniko tabernetako txapeldun

Tabernetako Txapelketa Hernaniko bertso plaza kontsagratuenetako bat bihurtu da aurten ere jokatu da edizio berri bat, joan den ostiralean, Garin tabernan. Jon Altuna, Oxan izan da aurtengo irabazlea. Oxan txapelketa honetako historikoetako bat da. Urte askotan parte hartzeaz gain, hirutan irabazi izan du eta bere bertsokera bereziak jarraitzaile asko ditu.

Aurtengo edizioan 13 bertsolari aritu ziren bertsotan, eta giro ederra izan zen saioan. Oxan txapeldun eta Andoni Rekondo bigarren. Bikain aritu zen bera ere, eta maila bikaina erakutsi zuen joan den edizioko txapeldunak.

"Pozik, ia 30 urtean txapelketa honek ez duelako interesik galdu"
Jon Altunak Hernaniko Kronikari egin dizkion adierazpenetan, oso pozik dagoela esan du, eta arrazoi askogatik: "Hirugarren txapelagatik, beteranoak hor jarraitzen dugulako gazteen aurrean lehian, eta lehenengo txapelketa egin zenetik, 1995eko urtarrilaren 19tik, 27 urte eta piko pasatu diren arren, Tabernetako Bertso Txapelketa bizirik delako, ez duelako interesik galdu eta ondo pasatzeko gogoa duen jende pila elkartzen duelako...",

Tabernetako txapeldunak eskerrak eman dizkio Hernaniko Iraulio Panttalone bertso eskolari antolaketa bikainagatik baita saioan parte hartu zutenei eta Garinera hurbildu ziren ikusle guztiei ere bai.

Irabazlearen sariaz gain, beste hainbat saritu ere izan ziren txapelketan. Hain zuzen ere, Bertsoaldi onenaren saria donostiarrek jaso zuten: Asierrek, Aiertek eta Peruk. Bertso onena, berriz, Haritz Otxotorenarena izan zen.

Albiste gehiago

Larunbatean jokatu zen 2022-05-16

Ane Labaka irabazle Aixita Sariketan Irurtzunen

Manuel Olaizola Uztapide - Kultur transmisioa 2022-05-12

Uztapide gazteengana hurbiltzen

'Despique' moldeko doinua 2022-05-11

Madeirako doinu batean kopletan egin nahi?

Bertsolaritza eta Charamba 2022-05-11

Elkarlan berri baten oinarriak, Madeiran

Joserra Bilbao - Santutxuko Bertso Eskola 2022-05-10

"Gure helburua da Udaberriko zikloa kopuruz handitu eta auzoetara zabaltzea"