Erein argitaletxearekin 2022-05-11

Pako Aristiren 'Nire Uztapide' biografia nobelatua berrargitaratu dute

Pako Aristi idazleak Manuel Olaizola Uztapideren biografia nobelatua egin zuen duela 22 urte, Bertsozale Elkartearen ekimenez, berrargitaratu egin dute. Gaur izan da aurkezpena. "Haren izena bertsolari handien lekuan ageri da beti; ezagutu zutenek miretsi egiten dute. Halere, haren bertsoak ez dira beste batzuenak bezain gogoratuak; haren ateraldiak ere ez dabiltza ahoz aho. Uztapideren izaera nolabait ezkutatu egin da haren izen handiaren atzean. Entziklopediako fitxa bilakatu da" dio liburuan.

"Euskal Herri osoan kantatu zuen gizona, Euskal Herri osoari eskaini nahi izan diogo, denen eskura egon behar duelako denentzat kantatu zuen gizonaren biografia nobelatu honek".

Liburua Uztapide gizonaren bila egindako bidaia bat da "haren alderdi on eta pattalagoak agertuz". Kapitulu laburrekin jositako oihala da liburua. Gauzak luze eta lasai kontatzen zituen gizonaren historia bizkortu nahi lukeen idazkeraz kontatua. Eta, horrekin batera, bertsotan egiteko eta ibiltzeko modu ezberdin baten kronika.


Pako Aristi idazlea.

Argazkiak eta informazio grafikoa: Erein.