Finala maiatzaren 28an 2022-05-13

Bizkaiko Taldekakoaren azken kanporaketa gaur Arrigorriagan

Bizkaiko Taldekakoaren azken kanporaketa jokatuko da gaur Arrigorriagan, 18:00etatik aurrera. Kantakuneak, Potojorri eta Taketalez taldeek hartuko dute parte eta hiruetako bat zuzenean finaleaurrekoan izango da.
Taldekakoan ohi den gisa, oraingoan ere hiru saio izango ditu, herriko hiru puntu desberdinetan:

    18:00etan Arguia txokoan izango da lehenengo saioa
    19:30ean Elizondo tabernaren aurrean izango da bigarren saioa.
    21:00eta afaria
    22:00etan Arguia txokoan izango da hirugarren, eta azken saioa.


Kanporaketako irabazlea zuzenean sailkatuko da finalaurrekoetara, eta erabakita geratuko dira, maiatzaren 28an, Larrabetzun jokatuko diren finalaurrekoak.

Larrabetzun egun osoko jaia
Larrabetzukoa egun osoko jaia izango da. Eskolarteko finalak (idatzizkoa eta bat-batekoa) goizean, bazkaria eguerdian, arratsaldean Taldekakoaren 3 finalaurrekoak eta gauen finala Hori Bai gaztetxean. Bazkarirako tiketak bertsosarrerak.eus-en eskuratu daitezke.