Hendaian jokatu zen lehen kanporaketa 2022-05-16

Amaia Iturrioz eta Aner Euzkitze finalera, Señora Sariketan

Larunbatean hasi zen Señora Sariketako bigarren edizioa Hendaian eta baditu lehenbiziko bi finalistak: Amaia Iturrioz urretxuarra eta Aner Euzkitze zarauztarra. Sei bertsolari oholtzan eta Enbata gaztetxea erabat beteta zela egin zen lehenengo saioa. Amaia Iturrioz eta Aner Euzkitzerekin batean, Josune Aramendi, Irati Alcantarilla, Paule Loizaga eta Ekhiñe Zapiain aritu ziren kantuan, Ainhoa Larretxeak gaiak jarrita.
Josune Aramendi Perez
Amaia Iturrioz Etxaniz
Irati Alcantarilla Urdanpilleta
Aner Euzkitze
Paule Loizaga Legarra
Ekhiñe Zapiain Arlegi

Bigarren kanporaketa, Laudion

Bigarren kanporaketa Laudion jokatuko da datorren larunbatean, 21ean, Aiaraldeko faktorian, 18:00etan hasita, eta kantari:
Leire Vargas Nieto
Irati Anda Villanueva
Andere Arriolabengoa Lopez
Ane Beloki Lopez
Ane Labaka Maioz
Sarai Robles Vitas

Gai-jartzen, Amaia Agirre Arrastoa.

Finala, Leitzan da ekainaren 4an. Kanporaketa bakoitzeko bi bertsolari eta ohorezko bi gonbidatu ariko dira finalean kantuan.

Sarrerak, www.bertsosarrerak.eus gunean daude eskuragarri eta bertan ere izango dira.