Domekan, Markina-Xemeinen 2022-05-19

60 emakume elkartuko dira domekan, Bizkaiko bertso munduko emakumeen lehenengo Topaketan

60 emakume elkartuko dira domekan, Bizkaiko bertso munduko emakumeen lehenengo Topaketan
Bertso munduko eremu eta belaunaldi desberdinetako emakumeak elkartuko dira. Goizean poteoa, gero bazkaria eta arratsaldean bertso saioa. Bizkaiko Bertsozale Elkarteak antolatu du.

Bizkaiko bertso munduko emakumeen* I. topaketa arrakasta handiz dator. Hirurogei emakumek eman dute izena egun pasarako. Bizkaiko Bertsozale Elkarteak antolatutako ekimena da eta helburua da bertsoaren inguruan dabiltzan emakumeak batzea eta saretzea. Bizkaiko Bertsozale Elkartea oso pozik dago parte hartze aldetik izan duen erantzunarekin. Kopuru altuaz gain, azpimarratu du bertso munduko eremu eta belaunaldi ezberdinetako emakumeak elkartuko direla domekan Markina-Xemeinen: puntako bertsolariak, gazteak, gai-jartzaileak, epaileak, bertsozaleak, antolatzaileak... Parte hartze zabaltasun hori lortzea zen erronketako bat, eta baita lortu ere. Dagoeneko izen ematea itxita dago.

Poteoa, bazkaria eta bertso saioa
Egun osoko topaketa izango da eta ez da bertsorik faltako. Goizean, poteo girotua izango da, bakaria gero eta bertso saioa ondoren. Bertsolariak: Maider Altuna, Iruri Altzerreka, Miren Amuriza, Janire Arrizabalaga, Oihana Bartra, Izaro Bilbao, June Diaz, Onintza Enbeita, Nerea Ibarzabal, Aissa Intxausti, Enare Muniategi, Jone Uria Albizuri. Gai-jartzaileak: Maite Berriozabal, Ainhoa Urien eta Maddi Zabalo.

 

Albiste gehiago

Eli Pagola irabazle 'Hike Eizan' bertso paper sariketan 2022-07-01

'Tximista eta trumoia' ipuin bat bertsotan, noka

Urteroko jaialdia 2022-06-30

Barañaingo bertsoak sareko plazan

Bertsolari Bertsozale podcasta 2022-06-24

Irantzu Idoate Funosas, Bertsolari Bertsozale

Gontzal Agote - Bertsozale Elkarteko Lehendakaritza taldeko kidea 2022-06-23

«Txapelketak halako gogo eta ilusio berezia pizten du»