Gasteizen, Federiko Garcia Lorca antzokian, 12:00etan 2022-05-20

Arabako Eskolarteko finala larunbatean

Arabako Eskolarteko Bertsolari Txapelketako finala jokatuko da larunbatean Gasteizen, Federiko Garcia Lorca antzokian, 12:00etan hasita. Zortzi bertsolari ariko dira kantuan: Aramaioko Danel Herrarte, Sabin Abarrategi eta Gari Arexolaleiba eta Gasteizko Samuel Rodriguez, Irati Martinez, Eukene de los Aires, Maddi Agirre eta Hegoi Amabizka. Tapelduna eta txapeldunordea Euskal Herriko finalean izango dira ekainaren 18an, Arabako ordezkari.

18 bertsolarik hartu dute parte
Arabako Eskolartekoan 18 bertsolarik hartu dute parte eta hiru kanporaketa egin dira. Saioek oso harrera eta publikoaren parte hartze oparoa izan dute.