Señora Sariketa - azken kanporaketa 2022-05-23

Sarai Robles eta Ane Labaka ere Señora Sariketako finalera

Larunbatean jokatu zen Señora Sariko bigarren eta azken kanporaketa Laudion: Sarai Robles Vitas, Ane Labaka Mayoz, Irati Anda Villanueva, Leire Vargas Nieto, Andere Arriolabengoa Bengoa eta Ane Beloki Lopez aritu ziren bertsotan eta Amaia Agirrek gaiak jarrita. Aiaraldeko Ekintzen Faktorian jokatu zen saioa 100 entzule ingururen beroan. Sarai Roblesek eta Ane Labakak lortu dute finalerako txartela. Horiekin batean, Amaia Iturrioz eta Aner Euzkitze ariko dira Hendaiako kanporaketan sailkatuak biak. Eta seikotea osatzeko, antolakuntzak ohorezko bi gonbidatu izendatuko ditu. Finala Leitzan, ekainaren 4an.