Idatziz eta bat-batean 2022-05-27

Bizkaiko Eskolarteko finala zapatuan Larrabetzun

Bizkaiko Eskolarteko Txapelketa jokatuko da zapatuan Larrabetzun. Goizeko 10:00etan hasita, idatzizkoaren txanda izango da lehenbizi eta 11:00etan bat-bateko saioa. Azken atal honetan, hiru kanporaketa jokatu dira eta zortzi bertsolari gazte hauek lortu dute finalerako txartela:

• Jokin Ansotegi
• June Diaz
• Izaro Bilbao
• Araitz Katarain
• Haizea Telleria
• Kelmene Abaitua
• Maialen Lago
• Naia Martin

Txapeldunak eta txapeldunordeak Euskal Herriko finalean kantatuko dute Iurretan, ekainaren 18an.

Egun osoko jaia, Taldekakoa arratsaldean eta gauean
Larrabetzun egun osoko jaia izango da zapatuan. Goizean Eskolartekoaren txanda eta arratsaldean Taldekako Txapelketaren finalaurrekoak, eta finala gauean.