Xabat Illarregi - Azegazte Sariketako irabazlea 2022-05-31

«Beti ikasten duzu zerbait, bai saioro bai formaturo»

Xabat Illarregi leitzarrak irabazi berri du II. Azegazte Sariketa Algortan. 12 bertsolari aritu ziren kantuan taberna giroan. Hiru kanporaketa eta finala jokatu zituzten Azegazte taldeak antolatuta. Gustura aritu zen illarregitar gazteena eta giro ona azpimarratu du bai saiotan, bai kantu kideen artean eta baita publikoarekin ere. Eskertuta dagoela adierazi du.

Sariketetan esperientzia pilatzen ari da bertsolari nafarra eta plazetan ere gustura dabil, duen gogoa asetzeko beste aukera izatea zaila dela onartu arren. Plaza formatu guztiak ditu gustuko eta guztietan topatzen du zer ikasia. Entzun Bertsoa.eus-en finala sariketa irabazi ondoren egindako elkarrrizketa.


Azegazte Taldeak balorazio positiboa
Azegazte Taldeak oso balorazio positiboa egin du sariketak eman duenaz. Taldearen izenean, Paule Loizagak adierazi du helburuak bete dituzten sentsazioarekin gelditu direla eta eskertu dute bertsolarien maila, prestutasuna eta publikoaren harrera beroa ere. Aurrera begira, antolatzen jarraitzekotan dira, maiztasuna zehaztu ez badute ere.