Eskolarteko Txapelketak 2022-06-03

Xilabako Eskolarteko finala larunbatean Itsasun

Zuberoa, Baxenabarre eta Lapurdiko Eskolarteko finala jokatuko da larunbat honetan Itsasun, Sanoki gelan, 11:00etan hasita. Aurrez kanporaketa gaindituta, honako sei bertsolari gazte ariko dira kantuan: Irantzu Idoate Funosas, Haira Aizpurua Ibargarai, Ibai Lekuona Darceles, Aetz Etxart Sarasola, Haize Lekuona Blanco eta Aiantze Lannes Butron. Lehenbiziko bi sailkatuek Euskal Herriko Eskolarteko finalerako txartela eskuratuko dute.


Euskal Herriko finala ia osatuta
Eskolarteko Euskal Herriko finala ia osatuta dago, Gipuzkoa, Araba, Nafarroa eta Bizkaiko finalak jokatuta. Xilabakoa larunbatean jokatuta, orduan osatuko da taldea. Hona hemen txartela lortu duten finalistak:

Gipuzkoakotik: June Aiestaran eta Jon Mendiluze
Arabatik: Maddi Agirre eta Danel Herrarte
Nafarroatik: Beñat Astiz eta Eki Mateorena
Bizkaitik: Izaro Bilbao eta June Diaz.
Lapurdi, Baxenabarre eta Zuberoatik: larunbatean erabakiko da.