30 urteko ibilbidearen ondoren 2022-06-12

Oihane Pereak «gero arte» esan dio txapelketari

Oihane Perearen agurra izan zen larunbateko finaleko beste emozio gailurretako bat. Aurrez ez zuen ezer iragarri eta finaleko agurrean erakutsi zituen bere asmoak, 30 urteko txapelketa bideari agur edo gero arte esanaz.

Hogeita hamar urte luzez
fokoen erdi-erdira
igo eta gero igual
hauxe dugu despedida
Olatzen arte lanari
begira nago begira
egurra ta harria eman dut
hemen kontua hori da
gazteak ta komunistak
nere esperantza dira
beraz igual jetsiko naiz
lehendabiziko aulkira
gehiago disfrutatzeko
beste batzuen dizdira

Final ondoren Bertsoa.eus-i egindako adierazpenetan, adierazi du hauxe dela momentua. Pereak ez zuen esan erabateko agurra izango zenik, ez zuen aterik itxi,  baina bai sentitzen zuela «gero arte behintzat» eskatzen ziola egoerak. Entzun final ondorengo bere azalpenak.