Bertsolari Txapelketa Nagusia 2022-06-15

Txapelketa Nagusian parte hartuko duten bertsolariak

42 bertsolari izango dira aurtengo Bertsolari Txapelketa Nagusian. Erabakitzeko zeuden azken bi postuak Arabako finala jokatuta argitu dira. Peru Abarrategi eta Manex Agirrek ordezkatuko dute Araba.

Maialen Lujanbio Zugasti egungo txapelduna txapelketan izango da eta finalean kantatuko du, 2001etik txapeldunak ohi duen legez. Txapelketan izango dira BEC-eko beste azken bost finalista ere: Aitor Mendiluze Gonzalez (egungo txapeldunordea), Sustrai Colina Akordarrementeria, Amets Arzallus Antia, Beñat Gaztelumendi Arandia eta Unai Agirre Goia. Aurreko finalistetatik, Igor Elortza Aranoa eta Aitor Sarriegi Galparsoro ez dira aterako. Biek duela 4 urte iragarri zuten txapelketa utzi egingo zutela. Beraz, aurten gutxienez bi bertsolari berri izango dira Iruñeko finalean.

Herrialdeetatik sailkatuak
Txapelketan parte hartzeko eskubidea herrialdeetako txapelketen bidez eskuratu dutenen artean, plazan maiztasun batekin dabiltzan gehienak eman dute izena. Hauxek dira guztiak:

Agin Laburu Rezola, Aitor Bizkarra Ruiz, Aitor Etxebarriazarraga Gabiola, Alaia Martin Etxebeste, Amaia Iturriotz Etxaniz, Ane Labaka Mayoz, Asier Azpiroz Iztueta, Beñat Iguaran Amondarain, Eneko Lazkoz Martinez, Eñaut Martikorena Lizaso, Gorka Pagonabarraga Agorria, Haritz Mujika Lasa, Iban Urdangarin Lardizabal, Imanol Uria Albizuri, Iñaki Apalategi Astigarraga, Iñigo Mantzizidor Larrañaga, Joanes Illarregi Marzol, Jone Uria Albizuri, Julio Soto Ezkurdia, Maddalen Arzallus Antia, Maialen Akizu Bidegain, Miren Amuriza Plaza, Miren Artetxe Sarasola, Nerea Elustondo Plazaola, Nerea Ibarzabal Salegi, Oihana Bartra Arenas, Oihana Iguaran Barandiaran, Onintza Enbeita Maguregi, Patxi Iriart Hiribarren, Saioa Alkaiza Guallar, Unai Gaztelumendi Arandia, Unai Mendizabal Jauregi, Xabat Galletebeitia Abaroa, Peru Abarrategi Sarrionaindia, Manex Agirre Arriolabengoa eta Xabier Silveira Etxeberria.