Iurretan, larunbatean 2022-06-16

12 bertsolari gazte Eskolarteko finalean

34. Euskal Herriko Eskolarteko Bertsolari txapelketa jokatuko da larunbatean Iurretan, Kepa Arroitajauregi frontoian. Sarrera doakoa da baina gonbidapena eskuratu behar da www.bertsosarrerak.eus gunean. Euskal Herri oso 12 bertsolari gazte ariko dira. Herrialdeetako aurren-bigarrenak, eta Baxenabarreko zein Zuberoako ordezkari bana. Hona hemen banan-bana:

Gipuzkoatik: June Aiestaran (txapelduna) eta Jon Mendiluze.
Arabatik: Maddi Agirre (txapelduna) eta Danel Herrarte.
Nafarroatik: Beñat Astiz (txapelduna) eta Eki Mateorena.
Bizkaitik: Izaro Bilbao (txapelduna) eta June Diaz.
Lapurditik: Haira Aizpurua Ibargarai (txapelduna) eta Irantzu Idoate.
Baxenabarretik: Daia Harluxet.
Zuberoatik: Aetz Etxart.

Euskal Herriko Eskolartekoa Ikastolen Elkarteak eta Bertsozale Elkarteak antolatzen dute elkarlanean. Irabazleari Unai Iturriaga bertsolari durangarrak jantziko dio txapela.

Bertsoa.eus ere Iurretan izango da eta finaleko bertsoaldi onenak sarean jarriko ditu.