ALBEko Bertso eskaintza udan 2022-06-23

ALBEko bertsolari gazteak gaur, udako eskaintza zabala irekitzeko

ALBEk 16 bertso ekitaldiko eskaintza zabala antolatu du gaurtik irailera. Bertso eskolako gazteek emango diote gaur hasiera egitarauari: June Diaz, Peio Lago eta Maialen Lago ariko dira Gazteen San Joan Suan bertsotan, 20:00etan, San Nikolas plazan.


Bihar, 24an, Balkoitik balkoirako saio klasikoa izango da Portu Zaharrean: Unai Iturriaga eta Nerea Elustondo librean, 21:30etan hasita.

25ean ALBE Eguna. 26an Sopelako jaietako saioa: Naroa Torrealdai, Oihana Bartra, Onintza Enbeita eta Saioa Alkaiza, Miren Loizagak gaiak jarrita. 12:00etan txosna gunean.

Jaialdi Mundiala 13an
Aurten ere Jaialdi Mundiala izango da hitzordurik garrantzitsuenetako bat: Maialen Lujanbio, Andoni Egaña, Jone Uria, Sustrai Colina, Alaia Martin eta Igor Elortza kantari, 19:00etan, Muxikebarrin.

Gorlizko jaiak, Algortako San Inazio jaiak, Erromo, Portu Zaharra... Algortan eta inguruan izango da bertsoaz non gozatua aurtengo udan ere.