Herriko jaien baitan 2022-06-28

Sei bertsolari Lasarte-Oriako jaialdian, San Pedro egunean

Badira urtero egun jakinetan izaten diren festetako jaialdiak eta ekainaren 29a da egun seinalatu horietako bat, San Pedro eguna egitarau askotako izendapenean. Lasarte-Orian bertsoek ez dute huts egiten egun horretan, eta behin pandemia bolada pasata, aurten ere sei bertsolari ariko dira kantuan Manuel Lekuona kultur etxean:  Ane Labaka Mayoz, Sustrai Colina, Andoni Egaña, Nerea Ibarzabal, Maialen Lujanbio eta Lierni Rekondo. Gai-jartzen, Ane Ezenarro.

Bertso poteo aldarrikatzailea larunbatean
Lasarte-Oriako jaietan izango da beste bertso ekitaldirik ere: Bertso poteo aldarrikatzailea izango da larunbatean, 18:00etan Txosnagunetik hasita: Oihana Arana, Julene Iturbe Epelde, Eli Pagola, Lierni Rekondo eta Maite Sarasola. Gai-jartzen Ane Labaka Mayoz ariko da. Sorgin Jaiak taldeak antolatu du saioa.