San Ferminak bertsotan 2022-07-06

Bihar San Ferminetako bertsoen txupinazoa Iruñean eta Lesakan

Bihar hasiko da San Ferminetako bertso festa Iruñean eta Lesakan. Hamairu bertso ekitaldi izango dira zazpi egunetan: jaialdiak, bertso-bermutak, haurrentzako eskaintza, balkoitik balkoira... Zortzi saio Iruñean, bat Lesakan, bi Azkaraten eta bana Pasaian eta Hernanin. Hogeita sei bertsolarik kantatuko dute saio horietan. Bi urteko etenaren ondotik berriro ere San Ferminetako ohiko bertso plazak bere osotasunean itzuli dira aurtengoan.

Iruñeko bertso eskaintza

2022-07-07 Jaialdia Sarasaten
Sustrai Colina, Joanes Illarregi, Maialen Lujanbio eta Alazne Untxalo. Gai-jartzaile, Ander Aranburu Arriola. Sarasate pasealekuan, 19:00etan. Antolatzailea: Nafarroako Bertsozale Elkartea. Kultur bitartekaria: Lanku.

2022-07-08 Bertso bermuta
Irati Majuelo eta Sarai Robles, Irrintzi Peñan, 14:00etan. Antolatzailea; Irrintzi Peña.

2022-07-09 Bertso bermuta
Julio Soto eta Sarai Robles. Bertso poteoa, Askartza tabernatik hasita, 13:30etan. Antolatzailea: Sortu. Kultur bitartekaria: Lanku.

 2022-07-10 Balkotik balkoira Jarautan
Onintza Enbeita, Jon Maia eta Julio Soto balkoitik balkoira. Jarauta kalean, 13:00etan. Antolatzailea: Peña La Unica Elkartea.

2022-07-10 Haurrentzako emanaldia
"Alpistegia" haurrentzako bertso antzerkia. Eneko Arrate Sololuze eta Aissa Intxausti. Sarasate pasealekuan, 19:00etan. Antolatzailea: Nafarroako Bertsozale Elkartea Kultur bitartekaria: Lanku.

2022-07-11 Jaialdia Takoneran, Nafarroa Oinez Txokoan
Josu Sanjurjo, Idoia Granizo, Iñigo Ibarra eta Julen Zelaieta. 18:00etan.

2022-07-12 Bertso bermuta
Josu San Jurjo eta Sustrai Colina Zaldiko Maldiko elkartean, 13:00etan. Antolatzailea, Arturo Campion IKA Euskaltegia.

2022-07-14 Jaialdia Sarasaten
Saioa Alkaiza, Amets Arzallus, Alaia Martin eta Julio Soto. Gai-jartzen, Fernando Anbustegi. Sarasate pasealekuan, 19:00etan. Antolatzailea, Nafarroako Bertsozale Elkartea. Kultur bitartekaria: Lanku.

Lesakan ere urteroko hitzordua
Bertso jaialdiak Lesakako San Ferminetan ere urteroko hitzordua du. Bihar 19:00etan Plaza Zaharrean: Andoni Egaña, Nerea Ibarzabal, Erika Lagoma, Etxahun Lekue eta Josu Sanjurjo ariko dira kantuan,  Iratxe Muxikak gaiak jarrita. Gure Arrano Elkarteak antolatzen du Lankuren bitartekaritzarekin.

Nafarroan, Azkaraten ere San Fermin jaiak ospatzen dira eta bi bertso ekitaldi egingo dira bihar eta larunbatean. Sebastian Lizaso eta Julio Soto izango dira kantuan lehen egunean, Oihana Iguaran eta Aitor Mendiluze bigarrenean.

Gipuzkoan ere badira San Fermin oihartzunak bertsotan. Pasai Antxon jaialdia izaten da urtero eta Hernaniko Martindegi auzoan egun pasako saioa. Pasai Antxon, azoka plazan, Amets Arzallus, Andoni Egaña, Nerea Ibarzabal eta Alaia Martin ariko dira kantuan, uztailaren 9an, 19:00etan hasita. Mimos Tabernak antolatzen du. Hernaniko Martindegi auzoan, uztailaren 10ean: Sebastian Lizaso, Alaia Martin eta Amets Arzallus, goiz eta arratsalde.