Bertsoak Sanferminetan 2022-07-08

«Bertsoei zapi gorria» San Ferminetan

«Zapi gorriei bertsoak eta / bertsoei zapi gorria» bota zuen Sustrai Colina atzo Iruñean San Ferminetako lehen jaialdiaren agurrean. Maialen Lujanbio, Alazne Untxalo, Joanes Illarregi eta Sustrai Colina aritu ziren bertsotan Sarasate pasealekuan, Ainhoa Larretxeak gaiak jarrita. Entzuleak ere ongi erantzun zuen bi urteko etenaren ondoko itzuleran.



Saio ederra egin zuten bertsolariek Larretxeak gidatuta, San Fermin eta Iruñea giroan kokatutako hainbat gaiekin. Anekdota gisara, kantuan ari zirela oholtzako argia joan eta bertsolariek mikro gabe jarraitu zuten, publikoaren esker ona jasoaz.

Bertsoa.eus ere Iruñean izan zen eta datorren astean jarriko ditugu sareko plazan saioko bertso onenak.