Bertsoak Sanferminetan 2022-07-11

Hiru bertso ekitaldi gaur Iruñeko San Ferminetan

San Ferminetan bertsoak ere aurrera jarraitzen du eta gaurko astelehenak hiru ekitaldi utziko ditu Iruñean, Takoneran, Zaldiko Maldikon eta Kalixto tabernan. Ordutegiaren hurrenkeran, Bertso bermuta izango da lehenbizi Zaldiko Maldiko elkartean, 13:00etan. Sustrai Colina eta Josu Sanjurjo ariko dira kantuan 13:00etan, Arturo Campion Euskaltegiak antolatuta.

Arratsaldeko 16:00etan berriz, Kalixto tabernan izango du bertsoak hitzordua. Bittor Altube eta Gorka Pagonabarraga ariko dira kantuan. Eta 18:00etan, urteroko jaialdia Takoneran, Nafarroa Oinez txokoan: Josu Sanjurjo, Idoia Granizo, Julen Zelaieta eta Iñigo Ibarra.