Muxikebarrin, 19:00etan 2022-07-13

Algortako Jaialdi Mundiala gaur: jaialdi gionizatu esperimentala

Udako hitzordu nagusietako bat da eta ALBEko saio izarretako bat. Ohiko jaialdi batek ez duen gidoi eta eszenografia izaten ditu Algortako Jaialdi Mundialak, eta gai jakin baten inguruan joaten da saioa, esperimentazio puntu handi batekin normalean, Kursaalen egiten zen Bertso Eguneko jaialdiaren ildoan, ulertzeko.

Jaialdiko gaia sorpresa izaten da eta arratsaldeko 19:00etan saioa hasten denean ezagutuko du entzuleak. Azken urteetan lekua aldatu du, eta lekuarekin giroa ere bai zertxobait. Urte askotan Algortako Bihotz Alai Plazan egin izan da, karpa handi batean, eta 800-900 lagun inguru elkartu ohi ziren gaueko 21:00etan. Bat baino gehiago, ogitartekoa eta freskagarria lagun. Muxikebarri zabaldu zenetik aretoan egiten da eta erantzun beroa izaten jarraitzen du ekitaldiak.

Gaur arratsaldean, Jone Uria, Andoni Egaña, Maialen Lujanbio, Sustrai Colina, Alaia Martin eta Igor Elortza ariko dira kantuan, ALBEko kideek aurkeztuta.

Bertsoa.eus ere Algortan izango da gaur eta hautaketa zabala eskainiko du sareko plazan.