Sarasate pasealekuan, 19:00etan 2022-07-13

San Ferminetako azken saioa bihar Iruñean

San Ferminetako azken bertso saioa egingo da bihar Iruñean, pobredemi-rako ordu batzuk falta direla. Saioa Alkaiza, Amets Arzallus, Alaia Martin eta Julio Soto ariko dira kantuan, Fernando Anbustegik gaiak jarrita. Arratsaldeko 19:00etan, Sarasaten.

Dozena saiotik gora San Ferminen itzuleran
Bertsoa indartsu itzuli da San Ferminetan, pandemiako etenaldiaren ondotik eta dozena ekitalditik gora egin dira, bereziki Iruñean baina baita Lesakan, Azkaraten, Pasaian eta Hernanin ere. Iruñean, azken urteotan Takonerako periferiatik Sarasateko erdigunera igaro dira bi jaialdi nagusiak eta harrera ederra izan dute, Nafarroako Bertsozale Elkarteak antolatuta. Nafarroa Oinezek ere jaialdia antolatzen du Takonerako bere txosna ondoan, eta hainbat peñek eta elkartek ere antolatzen dituzte bertso ekitaldiak San Ferminetan.