Friki saioak Abuztuan eta irailean 2022-07-20

Harry Potter Saioa, Bertso Fashion Week, Meme Saioa eta beste, Lokatz Loreak ekimenaren eskutik

Harry Potter Saioa, Bertso Fashion Week, Meme Saioa eta beste, Lokatz Loreak ekimenaren eskutik

Animazioaren mundua, fantasia, horoskopoa... bertsotara ekarriko ditu Lokatz Loreak ekimenak abuztuan eta irailean. Friki saioak goiburupean, bost bertso saio berezi antolatu ditu Bizkaian, abuztuaren 13an hasita. Harry Potter Saioa izango da lehenbizikoa; Bertso Fashion Week etorriko da gero; Denbora makina bertsoz hirugarrena; Meme Saioa eta Bertsos-kopoa azkenik. Bost saioetan, 21 bertsolarik hartuko dute parte eta hiru gai-jartzaile ariko dira: Janire Arrizabalaga, Araitz Katarain eta Izaro Bilbao. Saio gehienak gaztetxeetan izango dira. Ekimenak Bizkaiko Bertsozale Elkartearen babesa du. Hona hemen egitarau osoa.

Harry Potter Saioa. abuztuaren 13an, Zornotzako Gaztetxean: Jone Larrinaga, Maddi Agirre, Nerea Ibarzabal eta Leire Vargas.
Berso Fashion Week. Abuztuaren 27an, Deustuko Gaztetxean: Enare Muniategi, Ibai Lekuona, Aitor Etxebarriazarraga eta Josune Aramendi.
Meme Saioa. Irailaren 3an, Portugaleteko Sastraka Gaztetxean: Ixone Asategi, Koldo Gezuraga, Haizea Arana, Asier Alcedo eta Miren Amuriza.
Denbora Makina Bertsoz. Irailaren 10ean, Lekeitioko Gaztetxean. Iruri Altzerreka, Joanes Illarregi, Joar Garate eta Xabat Galletebeitia.
Bertsos-kopoa. Irailaren 17an, Gernikako Astran. Onintza Enbeita, Irune Basagoti, Nagore Beitia eta Aner Euzkitze.

Bertsoa.eus-ek Lokatz Loreak ekimeneko kideak bertso plazara ekarriko ditu gutxi barru beren helburuen berri emateko.

Albiste gehiago

Aramaion, Hernanin, Mutrikun eta Saran 2022-07-11

Beste lau aukera Lujanbioren 'Garaiaren erradiografia mugitua' ikusteko

Bertsoak Sanferminetan 2022-07-08

«Bertsoei zapi gorria» San Ferminetan

San Pedrotako jaialdia 2022-07-08

Plaza bero Asteasun

Manuel Lekuona kultur etxean 2022-07-08

Lasarte-Oriako bertsoak sarean

Aner Peritz Euzkitze - Basarri Sariko irabazlea 2022-07-08

«Errima bikoitza behartu gabea izatea kosta zait gehien»