Gazte sariketak 2022-08-29

Lizardi Sariko finalistak erabakita

Zarauzko Lizardi Sariko finalean kantatuko duen seikotea erabakita gelditu da joan bi kanporaketa jokatuta. Hauxe da aurtengo seikotea:

Andoni Rekondo (Hernani)
Aner Peritz Euzkitze (Zarautz)
Gorka Pagonabarraga (Durango)
Oier Etxeberria (Azpeitia)
Aitor Tatiegi (Oñati)
Naia Arrizabalaga (Azkoitia)

Finala ostiral honetan jokatuko da Zarautzen, Modelo aretoan, 22:00etan hasita. Etxebeltz-Motxian bertsoguneak antolatzen du Lizardi Saria, Zarauzko Udalaren laguntzarekin.

Bi kanporaketa joan den astean
25 urte edo beheragoko Euskal Herri osoko 16 bertsolari gaztek hartu dute parte Lizardi Sarian eta joan den ostegun eta ostiralean jokatu ziren bi kanporaketak, Imanol Urbieta Musika Eskolan. Bigarren kanporaketan azken orduko aldaketa izan zen. Lierni Rekondo Lasarte-Oriako bertsolaria zen izatekoa baina bere ordez Andoni Rekondo hernaniarrak kantatu zuen. Lehen kanporaketan Aner Euzkitze nagusitu zen eta berak lortu zuen finalerako lehen txartela. Bigarrenean, Andoni Rekondok ordezko gisa joan eta kanporaketa irabazi egin zuen. Hernaniar gazte honek duela 2 urte egin zuen debuta Hernaniko tabernetako txapelketan.

Lehen kanporaketako sailkapena

Aner Peritz  217 puntu
Gorka Pagonabarraga  208'5 puntu
Haizea Arana  194'5 puntu
Peru Abarrategi  194 puntu
Aimar Sorazu  186'5 puntu
Idoia Granizo  176 puntu
Enare Muniategi  175'5 puntu
Ekain Tolaretxipi  162 puntu

Bigarren kanporaketako sailkapena
Andoni Rekondo   225 puntu
Oier Etxeberria   202 puntu
Aitor Tatiegi   198 puntu
Naia Arrizabalaga   196.5 puntu
Irati Alcantarilla   196.5 puntu
Xabat Illarregi   188 puntu
Ane Beloki   186.5 puntu
Libe Goenaga   176 puntu

(Argazkiak: Amaia Urbieta Arruti - Urola Kostako Hitza)