Udako bertso agenda 2022-09-02

Bertso agenda zabala iraileko lehen asteburuan

Sartagudatik hasi eta Trapagaran bitartean hamabost bertso ekitalditik gora izango dira iraileko lehen asteburu honetan. Herrietako jaien bueltakoak asko eta baita bestelako ekimenen ingurukoak ere. Formato aldetik, anitz dator asteburua. Sartagudan Memoriaren parkean izango dira gaur bertsoak, Soto eta Alkaizaren ahotik. Lekeition balkoitik balkoira ariko dira bertsotan eta Atarrabian bertso poteoan. Errigoitik kopla desafioa eta Zarautzen bertsolari gazteen Lizardi Sariko finala gaur.

Larunbatean Trapagaranen bertso poteoa izango da eta Portugaleten Meme Saioa, besteak beste. Igandean, Muetz eta Lezaman izango dira jaialdiak eta Berriatuko Millioi auzoan librean ariko dira Uxue Alberdi eta Ane Labaka.

Datorren astea ere bertsotan hasiko dute Zizurkilen eta Zestoan, bietan izango baitira ekitaldiak astelehenean. Agenda osoa ikusi hemen.